Saturday, July 20, 2024
24.1 C
Kathmandu

के फरक छ त मौसम र जलवायु परिवर्तनमा ?

क्रियटिभ खबर, ०८ फाल्गुन २०७९, काठमाडौँ । मौसमः कुनै सानो भू–भागले वा स्थानको वायुमण्डलमा छिन–छिन वा दैनिक रूपमा रहेको वातावरणीय अवस्थालाई नै मौसम भनिन्छ । मौसमको सूचकको रूपमा दैनिक तापक्रम, सूर्योदय, वायु (हावा) को गति, वर्षालाई लिने गरिन्छ । सानो भूगोल वा मौसममा छिन–छिन वा दैनिक रूपमा हुने परिवर्तनलाई मौसम परिवर्तन भनिन्छ ।
जलवायुः  केही वर्षको तापक्रम, वर्षा, हावाको गति आदि जस्ता मौसमी तथ्याङ्क विवरणहरूको आधारमा निकालिएको औसत तथा भिन्नताको परिमाण नै जलवायु हो । जलवायुलाई सामान्यतया मौसमको औसतका रूपमा लिने गरिन्छ । मुख्य रूपमा ३० वर्षको समयलाई आधार मान्ने गरिन्छ । जलवायुमा आएको परिवर्तनले निम्त्याउने सङ्कट जलवायु जन्य सङ्कट हो ।
जलवायु भनेको कुनै निश्चित स्थान र समयको विशेष अवस्था हो । तापक्रम, ओसिलोपना, छ्याङ्ग÷धुम्म अवस्था, घाम, वायुको गति र वर्षा आदिको हिसाबले जलवायु नापिन्छ । “क्या राम्रो मौसम”, “आज कस्तो गर्मी”, अथवा “राती पानी पर्ने हो कि ?” जस्ता कुरा भनिने गरिन्छ । मौसम भनेको आजको भोलि वा अहिलेको भरे पनि फेरिन सक्छ । मौसमी परिवर्तनलाई सजिलै देखिन्छ र अनुभव गर्न सकिन्छ । तर जलवायु बारे हामी उति ध्यान दिँदैनौँ, खडेरी लम्बियो, बाढी उर्लेर आयो, भारी वृष्टि भयो, आँधीबेहरी आयो, अति नै गर्मी अथवा जाडो बढ्यो र त्यस्तै केही भयो भने मात्र हाम्रो गम्भीर ध्यान जान्छ । जलवायुमा आएको परिवर्तन अडिरहन धेरै समय लाग्ने भएकोले त्यस्तो भएको हो । तसर्थ कुनै विशेष क्षेत्रको लागि जलवायु भनेको केही अवधिको साधरणतया ३० वर्षसम्मको मौसमको सरदर हो ।

धेरै पढिएको

शिफारिस

LEAVE A REPLY

Please enter your comment!
Please enter your name here